koi faryad teray dil main dabi ho jaisay
tu nay ankhoun say koi baat kahi ho jaisay
jagtay jagtay ik umer kati ho jaisay
jaan baqi hai magar saans ruki ho jaisay

her mulaqwat pay mehsoos yehi hota hai
mujhsy kuch teri nazar pooch rahi ho jaisay

raah chaltay huvey akser ye ghumaa hota hai
wo nazar chup k mujhy dekh rahi ho jaisay

aik lamhay main simat aaya hai sadeeyon ka safar
zindagi tez bohat tez chali ho jaisay

is tarha pehroon tujhay soochta rehta hon main
meri her saans teray naam likhi ho jaisay

koi faryad teray dil main dabi ho jaisay
tunay aankhoun say koi baat kahi ho jaisay
jaagtay jaagtay ik umer kati ho jaisay
jaan baqi hai magar saans ruki ho jaisay